注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Kira的博客

You are my dream girl ~

 
 
 

日志

 
 
关于我

好有趣嘅一個廣州人

网易考拉推荐

Recent  

2009-03-22 13:40:22|  分类: 默认分类 |  标签: |举报 |字号 订阅

  下载LOFTER 我的照片书  |

 

貌似我好耐都冇寫過日誌啦!~Sorry吖~

 

冇咩點寫日誌系因為我懶啦,因為有啲寫唔寫意義都唔大咁......

 

我依家睇番我個QQ嘅叨客,講講,最近發生咗咩事啦。

 

1 『3.7』 番广州,偶遇郑元畅、唐禺哲见面会@地王广场 ~ ~2009-3-7 19:43:5

   嗰日番廣州(冇番屋企),夜晚同謝四行街,系地王廣場見到郑元畅&唐禺哲見面會,場面異常火爆,我哋連佢哋只影都見唔到,凈系見到周街都系人......我凈系聽到負三層經常傳出fans嗰啲尖叫聲......

  (有影相噶,懶得上傳)

  夜晚我哋去咗搵文明路好出名嘅“百花甜品”同埋“XX原味燉品”(有影相噶,不過睇唔清......)

 

2.『3.8』勁搞笑嘅 "未婚貓貓"~2009-3-8 19:54:20

  嗰日我同謝四,貓貓去咗東山口,入咗7中後面附近嗰個教堂。

  吃飯嘅鎮,某人自爆系“未婚貓貓”,勁搞笑吖,笑到噴飯啦,哈哈~~

 

3.超多DeadLine吖!!......2009-3-9 22:42:36

 嗰個星期真系好多DeadLine,班入面嘅,協會嘅,仲有......總之就系好多啦,煩死人啦......

 

4.新室歌『梁漢文 - 纏綿遊戲 』!( 祝嗰5位可愛女生相識"半年零六日"快樂啦 ~ )2009-3-12 12:32:50

 上學期嘅室歌系“王傑 不浪漫罪名”,而今個星期嘅室歌就系“『梁漢文 - 纏綿遊戲 』”啦。

 如果你未聽過嘅話你就快啲聽下啦,幾好聽噶。啲歌詞吖,唱功吖,都唔錯噶~~

 之前我同隔籬班啲女生講話,我同我班啲男生慶祝『相識半周年 』。而佢哋就慶祝相識"半年零六日",真系可愛吖,佢哋(5個女生)仲一起改簽名話“相識"半年零六日"快樂吖,特別獻給kira”,佢哋話驚死我唔知佢哋要慶祝喔......我都未見過咁多人簽名提及我嘅,我真系有啲受寵若驚啦~~不過,佢哋慶祝居然唔叫埋我,可惡吖!! (其中一個女話,嚇?我唔系叫咗XX嗌埋你去嘅咩?我話,嚇?冇波!!!我暈啦......)

 

5.我對唔住好多人......( 祝嗰5位可愛女生相識"半年零六日"快樂啦 ~ )2009-3-12 22:56:35

 對唔住好多人,唔系講我得罪好多人,而系......

 首先,我覺得我喺我個協會度做嘢,做唔好咯......真系好對唔住佢哋,特別系啲部長......

 然後,做某啲嘢,拖咗N個朋友落水,搞到佢哋好辛苦......真系對唔住啦,其實一開始我都唔知嗰樣嘢都系咁辛苦,咁困難噶......

 最後,我個外婆病咗好耐我都唔知,都系最近先知,我真系不孝啦......

 

6. 久違的春日太陽!~ SunLight 啊!~2009-3-14 9:17:28

   I Need SunLight ......2009-3-13 23:33:20

  嗰段時間成鬼日落雨喔,计划去大夫山好耐噶啦,又去唔到啦,冇嘥心機啦......

  落雨嘅日子真系冇咩mood......

 

7.Do My Best ~2009-3-15 20:59:37

 希望做咩都好,盡自己嘅全力去做咯,唔好後悔自己當初冇落力去做就得啦~

 

8.『Clannad AF』居然有Happy Eending!朋也好幸福喔 ~ ~(PSP抵抗好好玩) 2009-3-16 9:56:45

 我追開嘅Clannad after story(clannad第二季)終於迎來了大結局啦,結局真系180度大轉變啦,仲以為悲劇收場,點知咁都有Happy Eending喔!真系意外,男主角朋也真系好幸福吖,羡慕死啦~

 psp方面,依家玩緊『抵抗 復仇之刻』,幾好玩,佢系psp上難得一見嘅FPS大作~

 

9.......I am so Sorry......2009-3-16 23:11:52

 我嗰個協會搞嘅金融論壇,搞得唔系幾好,我覺得都系我嘅錯......我好內疚,我好自責,我甚至有諗過退出......

 不過我還是選擇了堅持下來......依家先退出,太懦弱啦,太不負責任啦......

 真系好對唔住我個協會啲人啦......真系好對唔住......

 

10.辯論賽? 囧 ......2009-3-17 18:24:59

 我哋學校要搞辯論賽,我哋自己系內要刷選人才,代表系初賽,所以我哋系內先搞一次辯論賽。

 我哋班抽到嘅系“道義比利益對人際關係影響更大”正方觀點,講真啦,嚟個辯題真系無容易證,上網搜到好多其他學校對嚟個辯題嘅比賽,結果都系正方輸嘅......我自己呢?我連我自己都說服唔到......

 比賽結果,我哋輸咗。而我知道輸嘅原因(總之就唔系我錯,我唔差噶!!),不過講出黎就傷咗同學之間嘅感情啦,我都唔系唔講出嚟啦......點講都好啦,輸咗就系輸咗,講多都冇用啦......

 

11.喺山頂度睇『K歌新星大賽』,依然覺得好好睇!~ ~2009-3-19 22:15:44

 我哋學校廣播台舉辦咗一個『K歌新星大賽』,我嚟得比較遲(已經提前咗半粒鐘有多噶啦!!),去到只剩番山頂啲位......

 不過,嗰個『K歌新星大賽』真系好鬼死好睇,喺山頂依然能感受到現場嘅氣氛,啲歌手嘅魅力!!(志偉都冇去睇就真系走寶啦,哈哈~)

 

12.今日確實好唹...唔好問我點解...2009-3-20 23:9:13

 嗰日袁袁同阿東嚟咗我間學校,搵阿狗,我兼職做佢哋個導遊,帶佢哋游學校(PYP)。

 袁袁仲接阿狗放學添,

 夜晚,我哋系飯堂度玩UNO,層層疊,輸咗要玩大冒險,我系最後一個輸嘅......比人玩到吖......真系冇面吖......

 

13.笨手笨腳......『求婚大作戰』~

 上個星期六,去咗學校嗰個淘吧試下整陶瓷,哇......真系好鬼死難吖......嚟啲嘢真系唔啱我吖......

 真系開始睇日本電視劇『求婚大作戰』,都幾好睇吖,啲劇情都唔錯吖,個主角又靚仔喔,哈哈~~~

 

 

最後,

  我真系覺得好對唔住我啲F啦,太耐冇上嚟睇下大家啲Blog同埋留言啦,遲啲補番啦,哈哈~~

 

つづく

  评论这张
 
阅读(68)| 评论(10)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018