注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Kira的博客

You are my dream girl ~

 
 
 

日志

 
 
关于我

好有趣嘅一個廣州人

网易考拉推荐

花市:08回顾、09展望(上)  

2009-12-21 16:10:54|  分类: 默认分类 |  标签: |举报 |字号 订阅

  下载LOFTER 我的照片书  |

 

转番我空间篇日志先:

 

今個新年(08年)假期特別好玩吖!

我同我啱啱識嘅F壹齊搞花市吖!我哋玩得超開心吖~

我哋係喺01.22~01.2609天河花市,搞咗個116檔“牛歡笑”(個名超有特殊意思,唔明嘅就上網查下喇,哈哈)~


第壹晚,提早到場布置會場,搞到我冇得同我另外啲F打麻雀!(係豪哥、Dodo、C伟佢哋)死人奶傑叫我快啲嚟,我問佢嗰度係唔係好多人,佢話“妳嚟到就知噶喇”,原來真係咁...我嚟到就知我笨咗喇!唔係好多人入場買嘢,係好多人入嚟布置會場啧,仲要係我哋個組織人—奶傑吖,走咗番屋企!!欺騙我感情吖,早知我就唔咁鬼死早就嚟喇!

夜晚好好玩,夜晚要將個牛歡笑個logo整上去個篷到,我同阿東玩“騎膊馬” (我喺上面,阿東喺下邊!)咁將個logo癡咗上去!好好玩吖,我今年兩張嘢喇,仲有得玩“騎膊馬”喔!o∩_∩o哈哈~~

後嚟,嚟咗啲工作人員,佢哋話個logo唔可以擺喺上面喔...咪講個logo攞番落嚟喇...T^T...點知,嚟個時候謝四(我帶過去嘅f,都係花市股東嚟嘅)唔知喺邊度攞咗壹把梯過嚟...有梯就唔使阿東咁辛苦喇,點解唔早啲揾到呢?哈哈,阿東睇到超無奈!...

第壹日晚唔使我留守花市,守夜睇住啲過,嗰晚好似有奶傑、袁袁、廣勳、智(應該係嚟個人,我冇搞錯吧?)守夜。佢哋喺度砌風車砌到3點吖!好感動吖~

嗰晚我同謝四去咗員村上社吃宵夜,啲宵夜壹般般喇,冇我想象中咁“完美”,都好喇,都過得去嘅~嗰晚成晚行咗大概4條東川路嘅路程...好鬼死攰,去到謝四屋企,好鬼快就瞓著咗噜~


第二日,謝四阿媽車我哋番花市,仲谂住佢會車我哋番天體添,點知我哋喺崗頂正佳嗰度就比人掟咗落車喇...話唔順路,叫我哋自己行過去喔...暈喇...

第二日嘅上午我喺花市度幫手,當日下午我去咗北京路揾朋友,順便去咗下西湖路花市(好多人,好多“野雞”檔)~

第二日都好似唔係好多人買嘢咁,生意平平喇,我嗰陣就谂:嚟個花市有冇錢賺噶?...我嗰陣真係好“悲觀”噶...

第二日晚(嗰晚撞到我同謝四個高中同學清華,好有緣喔~),喺花市度有我大學同學嘅嗰“60”檔話驚有人(好變態嘅壹個阿伯...囧...)搞佢哋啲貨,就將佢哋啲貨搬曬嚟我哋“牛歡笑”度喇。最後同阿豪送兩個女仔(Ten同貓咪)去搭車(唔使咁客氣喔,做男仔應該嘅),番嚟之後我同謝四、豪、智守夜喇。

(第二晚,我個F Being過咗嚟幫手賣嘢,好犀利喔!壹個人賣出咗17只氣棒、壹只“魔術師帽”仲有壹只變形金剛大錘!靓女係唔同啲嘅!哈哈~)

(仲有我個F肥波都有嚟幫手噶,好嘢喔!幫手賣出咗壹只大風車!仲有壹只大錘!)

哇,頂!嗰晚超凍吖!咁啱係廣州轉凍嗰晚喔!凍到飛起吖!嗰晚真係好“難過”,我哋喺度睇電影(兩部PSP同時播 閃電狗)、吹水....最後,好難得瞓著喇...5點幾就凍醒咗!無奈吖!唯有用PSP睇動漫(clannad after story~)、聽歌打發時間喇!...好辛苦7點,天光喇,依然好凍!8點喇,仲未有人嚟接班。9點幾喇(近10點!),袁袁嚟接班喇!真係打救我哋喇,袁袁嚟到,我哋四個守夜嘅壹齊走曬噜...走曬番屋企瞓!我哋壹齊掟地袁袁喺鋪頭度...唔好意思吖!迫不得意噶!哈哈~(嗰晚開始感冒,到我發表嚟篇日志嗰陣依然感冒!辛苦吖!!)

(到第三日早上先知原來隔離嗰間店個男用嘅手機係iphone,羨慕吖!)


第三日早上,我番到屋企,吃埋中午飯就瞓噜!跟住下午瞓醒又番到檔口,夜晚又番屋企同老豆吃飯!(吃麻辣雞煲,搞到我喉嚨依家都仲痛住!聲音都係好沙吖!牛年真係要變牛喇!T^T...)

本來,嗰日真係好鬼死攰,唔想番去噶!點知我聽到60檔個Manky講話嗰晚好多人,本來我可以唔去噶!不過我又唔忍心我啲F做得咁攰喔!我就帶咗壹個F()過去幫手喇~

第三日晚,60檔啲人依然將佢哋啲貨攞過嚟我哋度,話有免費保安喔,唔用就舌喇(唔記得咗係邊個講喇)...

最後送Ten去搭車,再揾標打的番東華東(15蚊啧,原來都唔係好貴吖~)。


第四日,最後,最關鍵嘅壹日~

我早上9點左右就番咗去鋪頭幫手喇。

幫襯嘅人依然唔算多,我依然感到好“悲觀”...T^T...

中午我番咗屋企同屋企人吃“團年飯”,跟住瞓中午教,不過中午教瞓得超唔爽,成日收到短信、電話,嘈鬼住曬喔...3點半,起身喇,依然好眼瞓。出門去花市喇,行到屋企樓下,撞到我個F桃桃吖!哈哈~

夜晚,哇~年三十嘅花市真係唔同噶,好多人吖~

我哋“牛歡笑”有新嘅營銷策略!就係揾人攞住個寬2.2米嘅大風車遊天體,跟住後面揾人攞住啲細風車喺度賣。奇迹就咁發生喇!屯積已久嘅風車好快就賣出咗85%!

期間,Melody過嚟揾我吖~開心~(嗰晚好忙吖,送唔到妳走就係so sorry喇~)

最後我哋喺12點就賣曬所有嘅風車同埋孔明燈(盈利大部份收入嚟至孔明燈),跟住我哋幫60檔啲人賣風車喇~

賣到1點幾就唔賣噜,收檔,影相留念。有同大風車影合照嘅,有情侶合照嘅,有“兄弟”合照嘅、有“BL”更有“三兄妹”合照嘅(哈哈)~仲有我同阿東係“牛歡笑”前面“騎膊馬”合照吖!!最後,當然唔少得我哋“牛歡笑”大合照喇,哈哈~

最後,我哋116檔同60檔啲人壹齊喺天體南門放孔明燈!啲人嘅願望好得意吖!我最欣賞嘅就係“我要開蘭博基尼”(世界壹流靓跑車,我都好中意噶!)、“”(就壹個字嘅願望,夠簡潔!)同埋“Canon D5 2”(價值3萬蚊嘅單反相機吖!有大志!)。我嘅願望係咩,當然係“2010我哋繼續嚟”喇~我真係好希望2010我哋可以繼續開開心心搞花市噶,哈哈哈哈~

(Ps :當晚我收到好多賀年短信吖!我真係好感動吖!不過...唔好意思吖,因爲我忙住搞花市冇及時複妳哋吖~妳哋唔介意的吧?放心喇,有發短信比我嘅我年初壹早上5點都複曬噶喇,哈哈~)

最後我哋壹齊去M記,我哋“牛歡笑”喺度“歲末大盤點”(數錢),最後我哋統計出我哋每人賺103蚊吖!真係可喜可賀吖!!跟住116檔同60檔啲人喺M記度傾啲“感情問題”傾天光~我呢?中途就同謝四、Being走咗佬噜~

咁攰,梗係要番東華東瞓喇,哈哈~


(“牛歡笑”股東有:烏超、Annne、奶傑、Num、小P、和尚、我、謝四、阿智、阿東、泉、阿豪、廣勳、袁袁)

 

 

 


つづく 完

  评论这张
 
阅读(145)| 评论(7)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018